Budanovun reytinqi yüksəlir — İkinci turda Zelenskini üstələyir
Ukrayna Müdafiə Nazirliyinin Baş Kəşfiyyat İdarəsinin (GUR) rəhbəri Kirill Budanov prezident seçkilərinin mümkün ikinci turunda dövlət başçısı Vladimir Zelenskini məğlub edə bilərdi. Bu nəticə SOCIS-in dekabr ayında keçirdiyi sosioloji sorğuda əksini tapıb.
Crossmedia.az bu barədə xarici KİV-ə istinadən xəbər verir.
Sorğunun nəticələrinə əsasən, Budanov və Zelenski arasında ikinci tur keçiriləcəyi təqdirdə respondentlərin 56,2 faizi Kirill Budanova, 43,8 faizi isə Vladimir Zelenskiyə səs verəcəyini bildirib.
Bununla yanaşı, sosioloqlar Budanovun fəaliyyətinə ictimai dəstəyin yüksək olduğunu qeyd edirlər. Hazırda ukraynalıların 71,5 faizi GUR rəhbərinin fəaliyyətini müsbət qiymətləndirir. Bu göstərici Kirill Budanovu ölkədə ən yüksək ictimai dəstəyə malik şəxslərdən birinə çevirir.
Nəzrin Abbas
10:00 27.12.2025
Oxunuş sayı: 3722
