Suriyanın son baş naziri: Rusiya və İran qüvvələri Əsədi tərk edib
Suriyanın son baş naziri Məhəmməd əl-Cəlali “Əl-Ərəbiyyə” telekanalına müsahibəsində bildirib ki, Bəşar Əsəd rejiminin süqutundan iki gün əvvəl İran diplomatik missiyası və hərbi qüvvələri Suriyadan çıxarılıb. Onun sözlərinə görə, Suriya ordusu döyüşməkdən çəkinib, Rusiya və İran qüvvələri isə müdafiə üçün kifayət etməyib.
Crossmedia.az xarici KİV-ə istinadən xəbər verir ki, məlumatlara əsasən, İran təyyarəsinin Hmeymim bazasına enməsinə icazə verilməyib və SEPAH bölmələrinə çıxış əmri verilib. Bundan öncə hərbi qüvvəsi azalan Hizbullah da müdaxilə edə bilməyib.
Əlavə olaraq, Suriyanın hazırkı prezidenti Əhməd əş-Şara açıqlayıb ki, ruslarla danışıqlar aparılıb və müdaxilənin olmayacağına dair razılaşma əldə olunub.
19:45 09.12.2025
Oxunuş sayı: 1464
