Həqiqi birliyin formalaşması üçün proses həm də aşağıdan yuxarıya doğru hərəkət etməlidir - Analitik
Bu gün Azərbaycan Memarlıq və İnşaat Universitetində (AzMİU) “Müasir İpək Yolu üzərində türk dövlətlərinin sosial-mədəni inteqrasiya prosesləri: çağırışlar və perspektivlər” adlı beynəlxalq elmi konfrans öz işinə başlayıb. Üç mərhələdən ibarət olan tədbirin ilk hissəsinin Bakıda təşkil olunması, Türk dövlətləri arasında artan inteqrasiya prosesində Azərbaycanın aparıcı rolunu və sosial-mədəni əməkdaşlığın genişləndirilməsinə verdiyi önəmi nümayiş etdirir. Konfrans daha sonra Türkiyə və Özbəkistanda davam etdirilərək İpək Yolu coğrafiyasında elmi və mədəni əməkdaşlığın yeni istiqamətlərini müzakirə etməyi hədəfləyir.
Tədbirin əhəmiyyəti ilə bağlı Azərbaycan Memarlıq və İnşaat Universitetinin müəllimi, Cross Media Təhlil Mərkəzinin analitiki, dosent Rauf Məmmədov Crossmedia.az-a açıqlama verib:
"Bu tədbirin əhəmiyyəti son dərəcə böyükdür. Biz bilirik ki, türk dövlətlərinin rəhbərləri və Türk Dövlətləri Təşkilatı siyasi, iqtisadi və mədəni sahələrdə geniş əməkdaşlıq əlaqələri qururlar. Lakin həqiqi birliyin formalaşması və inkişafı üçün proses yalnız yuxarıdan aşağıya deyil, həm də aşağıdan yuxarıya doğru hərəkət etməlidir. Yəni bu coğrafiyada yaşayan xalqların, əhalinin bu prosesə fəal şəkildə qoşulması vacibdir. Bu gün keçirdiyimiz tədbir xüsusilə türk xalqlarının sosial-mədəni inteqrasiyasına xidmət edir. Sosial-mədəni inteqrasiya insanlar, elmi ictimaiyyət, ictimai və qeyri-hökumət təşkilatları arasında əlaqələrin güclənməsi, birgə tədbirlərin təşkili baxımından böyük önəm daşıyır. Bu prosesin ən mühüm tərəfi də məhz budur. Konfrans üç mərhələdən ibarətdir. İkinci – sosial-siyasi mərhələnin Türkiyədə, üçüncü – sosial-iqtisadi mərhələnin isə Özbəkistanda keçirilməsi nəzərdə tutulur. Bakıda keçirilən birinci mərhələ sosial-mədəni inteqrasiyaya həsr olunub və bu istiqamət olduqca əhəmiyyətlidir. Çünki hər bir prosesin əsasında məhz mədəniyyət dayanır və mədəniyyət xalqları bir-birinə daha da yaxınlaşdırır. Bu işin təşkilində Memarlıq və İnşaat Universiteti xüsusi rol oynadı. Siz isə Crossmedia olaraq tədbirin işıqlandırılması, geniş auditoriyaya çatdırılması və ümumi prosesin inkişafına verdiyiniz töhfələrlə seçildiniz. Buna görə sizləri də təbrik etmək istərdim".
R.Məmmədov Memarlıq və İnşaat Universitetinin nəzdində fəaliyyət göstərən İctimai Elmlər kafedrasının əməkdaşıyam olduğunu vurğulayıb: "Kafedranın müdiri Könül Əliyeva və bütün əməkdaşlar bu layihənin ideya konsepsiyasının hazırlanması, planlaşdırılması, beynəlxalq əlaqələrin qurulması və təşkili prosesində mühüm işlər görüblər. Bu baxımdan İctimai Fənlər kafedrasının rolu xüsusi qeyd olunmalıdır.
Bu tədbirin təşkilində Memarlıq və İnşaat Universitetinin İctimai Fənlər Kafedrası mühüm rol oynamışdır. Kafedranın müdiri Könül Əliyeva və digər əməkdaşlar layihənin hazırlanması, ictimai əlaqələrin qurulması və ideyaların müzakirəsi prosesində fəal iştirak etmişlər. Biz bu kafedrada bir sıra məsələləri müzakirə etdik və kafedranın bu istiqamətdəki fəaliyyətini xüsusi qeyd etmək istərdim. Bununla bağlı kafedra müdiri Könül xanımı təbrik edirəm".
Ayhan
19:00 20.11.2025
Oxunuş sayı: 992
