Beynəlxalq Simpoziumun iştirakçıları MEK-in fəaliyyəti ilə tanış olublar
I Beynəlxalq Türk Dünyası Ənənəvi Musiqi və Mədəni Kimlik Simpoziumunun iştirakçıları Mərkəzi Elmi Kitabxananın fəaliyyəti ilə tanış olublar
Crossmedia.az xəbər verir ki, I Beynəlxalq Türk Dünyası Ənənəvi Musiqi və Mədəni Kimlik Simpoziumunun iştirakçıları AMEA-nın Mərkəzi Elmi Kitabxanası (MEK) ilə tanış olublar.
Bu il AMEA-nın 80, MEK-in isə 100 illik yubileylərinin qeyd olunduğu onların diqqətinə çatdırılıb.
Simpozium iştirakçıları son illərdə AMEA alimlərinin elmi nailiyyətləri, beynəlxalq əməkdaşlıq layihələri və yeni nəşr layihələri haqqında ətraflı məlumat əldə ediblər.
Ziyarətçilər MEK-in Sərgi salonunda Ulu Öndər Heydər Əliyevin və Prezident İlham Əliyevin həyat və siyasi fəaliyyətlərini əks etdirən kitablardan ibarət guşələr, Azərbaycan elminin müxtəlif sahələrini əhatə edən fundamental və tətbiqi tədqiqatların nəticələrini özündə əks etdirən monoqrafiyalar, elmi jurnallar və digər qiymətli nəşrlər, eləcə də AMEA-nın təsisçilərinin büstləri və fondlarla yaxından tanış olublar.
18:56 20.11.2025
Oxunuş sayı: 1048
