Gündəm,İqtisadi xəbərlər
Əsrin müqaviləsi Azərbaycanın iqtisadi xəritəsini dəyişdi - Deputat
- Bugün biz tariximizdə mühüm əhəmiyyət kəsb edən bir hadisəni – 20 Sentyabr, yəni “Əsrin müqaviləsi"nin imzalandığı günü yad etmək üçün bir araya gəlmişik. Bu müqavilə Azərbaycan xalqının müstəqillik yolunda atdığı ən önəmli addımlardan biri olmaqla yanaşı, ölkəmizin iqtisadi inkişafının təməlini qoymuşdur. Ulu Öndər Heydər Əliyevin uzaqgörən və qətiyyətli siyasəti sayəsində reallaşan bu müqavilə yalnız neft sektorunda deyil, bütün iqtisadiyyatımızın, xüsusilə qeyri-neft sahələrinin inkişafına yol açmışdır.
- “Əsrin müqaviləsi” həmçinin Azərbaycanın dünya iqtisadi xəritəsində öz layiqli yerini tutmasına, regionda strateji mövqeyimizin güclənməsinə və dövlətimizin siyasi və iqtisadi qüdrətinin möhkəmlənməsinə xidmət etmişdir. Bu müqavilə sayəsində Xəzər dənizindəki karbohidrogen ehtiyatlarımız dünya bazarına çıxarıldı və ölkəyə böyük investisiyalar cəlb olundu. 1995-ci ildən etibarən iqtisadi artım müşahidə olundu, neft gəlirləri isə digər sahələrin inkişafına yönəldilərək ölkəmizin iqtisadi diversifikasiyasına imkan yaratdı.
- Beləliklə, 20 Sentyabr yalnız bir müqavilənin imzalanması günü deyil, həm də Azərbaycan dövlətçiliyinin, iqtisadi inkişafının və gələcək tərəqqimizin təməlini qoyan tarixi bir gündür.
Tarixi gün ilə bağlı Crossmedia.az-a açıqlama verən Milli Məclisin deputatı Aydın Hüseynov bunun çox mühüm hadisə olduğunu bildirib: "1994-cü il 20 sentyabr tarixində Azərbaycanın tarixində mühüm hadisə baş verdi – “Əsrin müqaviləsi” imzalandı. Bu müqavilə böyük beynəlxalq neft konsorsiumlarının iştirakı ilə həyata keçirildi və Ulu Öndər Heydər Əliyevin uzaqgörən və qətiyyətli siyasətinin məntiqi nəticəsi oldu.
- "Əsrin müqaviləsi"nin imzalanması Azərbaycanın iqtisadi inkişafında, tərəqqisində və gələcək rifahının formalaşmasında xüsusi rol oynadı. İlk növbədə, Xəzər dənizindəki karbohidrogen ehtiyatlarının dünya bazarına çıxarılması üçün ən əlverişli və düzgün addım bu konsorsiumun yaradılması idi.
- 1994-cü ildən sonra ölkə iqtisadiyyatına investisiyaların cəlb olunması təmin edildi və artıq 1995-ci ildən etibarən iqtisadi artım müşahidə olundu. Bu dövrdə qeyri-neft sektorunun inkişafına da təkan verildi və neft gəlirləri iqtisadiyyatın digər sahələrinə yönəldildi".
- Deputat həmçinin qeyd edib ki, bu müqavilə regionun xəritəsini dəyişdi.
- "Beləliklə, Ulu Öndərimizin liderliyi ilə həyata keçirilən "Əsrin müqaviləsi" həm Azərbaycan, həm də regionun iqtisadi xəritəsini dəyişdi, ölkəmizin siyasi və iqtisadi qüdrətinin möhkəmlənməsində həlledici rol oynadı" - deyə o əlavə etdi
13:29 20.09.2025
Oxunuş sayı: 3828
