Xəzər dənizi üzrə İşçi Qrupunun növbəti iclası keçirilib
Türkmənistanın Xarici İşlər Nazirliyində Xəzər dənizi üzrə İşçi Qrupunun növbəti iclası keçirilib.
Crossmedia.az xəbər verir ki, bu barədə Türkmənistan XİN məlumat yayıb.2025-ci il sentyabrın 15-də Türkmənistan Xarici İşlər Nazirliyində Xəzər dənizi üzrə Yüksək Səviyyəli İşçi Qrupunun on birinci iclasında Azərbaycan Respublikası xarici işlər nazirinin müavini Samir Şərifov da daxil olmaqla İran, Qazaxıstan, Rusiyadan olan nümayəndələr iştirak edib.
İclasa Türkmənistan nümayəndə heyətinin rəhbəri M. G. Atacanov sədrlik edib.
Görüşdə Xəzər dənizində əməkdaşlıq nəzərdən keçirilib və xarici işlər nazirlərinin növbəti görüşünə hazırlıqla bağlı məsələlər müzakirə olunub.
Bundan əlavə, tərəflər Xəzər dənizinin dayazlaşması ilə bağlı Xəzəryanı dövlətlərin işçi qrupunun yaradılması məsələsini nəzərdən keçiriblər.
Xəzər dənizi üzrə İşçi Qrupunun on birinci iclası öz işini davam etdirir.
10:58 16.09.2025
Oxunuş sayı: 5995
