Ermənilərə gostərilən etimad kurəyimizə sancılan xəncərə çevrilə bilər- Deputat
Sentyabrın 14-də Xankəndidə baş vermiş silahlı insidentin qarşısı Azərbaycan hüquq-mühafizə orqanlarının çevik və peşəkar müdaxiləsi ilə alınıb. Hadisəni törətməyə cəhd edən şəxs — şəhərin erməni əsilli sakini Karen Albertoviç Avanesyan — əvvəlcədən hazırladığı silah və partlayıcılarla tədbir keçirilən əraziyə yaxınlaşmaq istəyərkən saxlanılıb. Onun üzərində “Kalaşnikov” avtomatı, patronla dolu sandıqçalar və əl qumbaraları aşkarlanıb. Hadisənin Qarabağ Universitetinin tibb fakültəsinin açılışı ilə eyni vaxta təsadüf etməsi, geniş insan kütləsinin toplaşacağı bir məkanın hədəf seçilməsi, bu planın arxasında daha geniş niyyətlərin dayandığını ehtimal etməyə əsas verir. Bu cəhd bir daha göstərdi ki, bölgədə sabitliyi pozmaq istəyən qüvvələr hələ də aktivdir və onların içərisində erməni əsilli şəxslərin rolu diqqətdən kənarda qalmamalıdır. Azərbaycan cəmiyyəti bu kimi hallara qarşı ayıq olmalı, etimadın kimə və necə göstərildiyini dərin düşünməlidir.
Mövzu ilə bağlı Crossmedia.az-a açıqlama verən Milli Məclisin deputatı Hikmət Babaoğlu bildirib ki, Xankəndində terror aktının baş tutmaması hər şeydən öncə Azərbaycan hüquq mühafizə orqanlarının ayıq sayıqlığı ilə bağlıdır:
“Bunun özü bir göstəricidir ki, ölkəmizdə təhlükəsizliyimizi təhdid edən hər hansı bir hadisə olacaqsa, bunun qarşısı alınacaqdır. Ancaq məsələ ondadır ki, terrora cəhd bir daha erməni xislətinin göstəricisi kimi özünü büruzə verdi. Azərbaycan prezidenti Kəlbəcər sakinləri ilə görüş zamanı dedi ki, biz ermənilərlə sülh müqaviləsi bağlaya bilərik, sülh də ola bilər. Ancaq biz bizə qarşı törədilən cinayətləri unutmamalıyıq. Ona görə də mən düşünürəm ki, hər bir azərbaycanlı daima hər bir erməninin potensial terrorçu olması barədə düşünməlidir və ermənilərlə davranışlarında və yaxud təhlükəsizlik məsələsi ilə bağlı düşüncələrində mütləq bu faktoru nəzərə almalıdır. Ancaq məsələnin hamısı bu deyil. Məsələ ondadır ki, Xankəndində Qarabağ Universitetinin tibb fakültəsinin açılışı zamanı böyük insan kütləsinin orada iştirakı nəzərdə tutulmuşdu və görünür, xüsusi sifarişlə törədilməsi nəzərdə tutulan bu terror, Qarabağ ermənilərinin Azərbaycan və Ermənistan arasında belə bir problem olduğunu beynəlxalq ictimaiyyətin diqqətinə çatdırmaq niyyəti daşıyıb. Bu, onların bütün təzyiqlərə və Ermənistanın rəsmi hakimiyyətinin ifadə etdiyi fikirlərə baxmayaraq, Qarabağ üçün bu və ya digər formada mübarizə apara bilmək potensiallarının olduğunu göstərmək cəhdi idi. Ancaq bu cəhdin qarşısı alındı. Bu səbəbdən düşünürəm ki, biz hər zaman bu yazıları nəzərə alaraq addımlar atmalıyıq — istər hüquq mühafizə orqanları, istər dövlət təhlükəsizlik strukturları, istərsə də ən başlıcası, Azərbaycan vətəndaşları. Bizim ictimai rəyimiz də, bu gün də, sabah da, bundan 100 il sonra da ermənilərin kim olduğu haqqında aydın təsəvvürlər olmalıdır.
Biz unutmamalıyıq ki, əgər azacıq olaraq ermənilərə etimad göstərəriksə, sonradan bu etimad kürəyimizə sancılan xəncərə çevrilə bilər. Ona görə də vətəndaşlarımız da daim ayıqsa olmalıdırlar və bir daha ermənilərin kim olduğu haqqında isə dərindən düşünməlidirlər”.
Nəzrin Salmanova
20:05 15.09.2025
Oxunuş sayı: 1057
