Avropa üçlüyündən İran-AEBA sazişinə reaksiya
Avropa üçlüyü – Fransa, Almaniya və Britaniya – İran ilə Atom Enerjisi üzrə Beynəlxalq Agentlik (AEBA) arasında imzalanmış son razılaşmaya münasibət bildirib.
Crossmedia.az xəbər verir ki, bəyanata əsasən, İranın yüksək səviyyədə zənginləşdirilmiş uran hasil etməsi ilə bağlı heç bir etibarlı əsaslandırma mövcud deyil. Avropa ölkələri bu addımın bölgədə gərginliyi artıracağından narahat olduqlarını ifadə ediblər.
Avropa üçlüyü vurğulayıb ki, istənilən yeni tənzimləmələr yalnız Nüvə Silahlarının Yayılmaması Haqqında Müqavilə çərçivəsində həyata keçirilməlidir.
Bəyanatın sonunda Avropa ölkələri İranı AEBA müfəttişlərinə öz nüvə obyektlərinə tam və maneəsiz giriş imkanı verməyə çağırıblar.
11:32 11.09.2025
Oxunuş sayı: 782
