Netanyahu: Yəməndə husilərə qarşı hücumlarımız davam edəcək
İsrail Baş naziri Benyamin Netanyahu Yəməndə husilərə məxsus hədəflərin vurulacağını bildirib. Belə ki, o, son hava zərbələrinə münasibət bildirərkən vurğulayıb ki, İsrail hücumlara cavab olaraq əməliyyatlarını davam etdirəcək.
Crossmedia.az xəbər verir ki, bu barədə xarici KİV məlumat yayıb .
Netanyahu xatırladıb ki, bir neçə gün əvvəl İsrail Sənaya dəqiq zərbə endirib və nəticədə şərqi Yəməni idarə edən husilərin hökumət üzvlərinin əksəriyyəti məhv edilib. Cavab olaraq, husilər iki gün əvvəl İsrailin cənubundakı Eylat yaxınlığında yerləşən Ramon hava limanına pilotsuz aparatla hücum ediblər, nəticədə bir neçə nəfər xəsarət alıb.
“Bu, bizim əzmimizi zəiflətmədi – bu gün də onların terror obyektlərini, bazalarını, çoxlu sayda döyüşçülərini və digər hədəfləri havadan vurduq. Biz hücumları davam etdirəcəyik. Kim bizə zərbə endirirsə, kim hücum edirsə – biz də ona çata biləcəyik”, – deyə Baş nazirin ofisi Netanyahunun sözlərini yayıb.
Fatimə Məmmədova
22:23 10.09.2025
Oxunuş sayı: 1089
