Professor: “ABŞ və İsrailə qarşı ideoloji düşmənçilik İrana fəlakətdən başqa bir şey verməyib”
Tanınmış iranlı siyasi ekspert və professor Sadiq Zibakəlam ABŞ prezidenti Donald Trampın İrana yenidən hücum etməyəcəyini bildirib və Tehranın son 47 ildə yürütdüyü "Amerikaya düşmənçilik" ideologiyasını sərt tənqid edib.
Crossmedia.az xəbər verir ki , o , bu barədə "Didar News" telekanalına müsahibəsində bildirib.
Zibakəlam deyib ki, bu siyasət İranın həm nüvə proqramı, həm də regional müdaxilələr nəticəsində öz milli maraqlarına zərər vurmasına səbəb olub. Onun fikrincə, Yaxın Şərqdəki – xüsusilə Suriya, Livan, İraq və Yəməndəki – bahalı və nəticəsiz investisiyalar, “İsraili məhv edəcəyik” kimi radikal şüarlar və nüvə proqramına sərf olunan vəsaitlər ölkənin sabitliyini sarsıdıb.
Professor bildirib ki, əgər İran əvvəldən ABŞ və İsrailə qarşı bu cür siyasət yürütməsəydi, bu gün daha fərqli nəticələr əldə edə bilərdi: “Bu ideoloji düşmənçilik, əslində, ölkəyə fəlakətdən başqa bir şey gətirmədi”.
19:45 15.07.2025
Oxunuş sayı: 1125
