Ukrayna hədələdi - Rusiyanı sarsıdıcı sürprizlər gözləyir
Ukrayna Prezident Ofisinin müşaviri Pavel Palisa Ukrayna ordusunun Rusiya ilə davam edən müharibədə yeni taktiki addımlar atmağa hazırlaşdığını bildirib. Onun sözlərinə görə, Ukrayna hərbçiləri qarşı tərəfi gözlənilməz manevrlərlə təəccübləndirməyə hazırlaşır və bu istiqamətdə ciddi hazırlıqlar görülür. Müşavir qeyd edib ki, bu "yeni sürprizlər" Rusiya Silahlı Qüvvələrinin zəif nöqtələrinə fokuslanacaq və münaqişənin gedişatına təsir göstərə biləcək potensiala malikdir. Bəs sual yaranır ki, Rusiyanın belə gücü varmı?
Mövzu ilə bağlı hərbi ekspert Telman Qasımov Crossmedia.az-a açıqlama verib: “Ukraynanın hərbi sənayesi bu gün ikinci inkişaf dövrünü yaşayır. Rusiya onun strukturlarını məhv etsə də Ukrayna hərbi sənayesi silahlar istehsal edir. Hələ sovetlər dönəmindən sovet ordusunun ağır zirehli texnikalarının böyük əksəriyyəti Ukraynada istehsal olunurdu. Bu gün isə Ukrayna hərbi cihazların daha keyfiyyətli hazırlanmasında irəlidə olan ölkələrdəndir. Təbii ki, imperiya ilə müharibə aparan dövlət, sənayesini bərpa etməyə məcburdur. Ukrayna xüsusən bu gün müasir silahlar istehsal edir və olduqcada uğurludurlar. Təbii ki, Rusiyaya müəyyən sürprizlər var və hələ açıqlamırlar. Bu proseslərdə Türkiyə amili də var. Belə ki, hazırda Ukraynanın gəmiçilik sənayesinə Türkiyənin böyük qatqısı olacaq, yeni zavıdlar tikiləcək. Qara dənizdə Ukrayna hərbi gəmilərin fəaliyyəti üçün gəmilər istehsal olunacaq. Rusiya da bundan narahatdır. Bu gün Rusiyada Moskvada, Lelinqradda, Sibirdə Ukrayna puaları uçur. Bütün bunlar göstərir ki, Rusiyanı sarsıdıcı sürprizlər gözləyir”.
Ayhan
13:05 11.07.2025
Oxunuş sayı: 2733
