"Rusiyadakı mütəxəssislərin böyük bir qismi müharibədən qorxaraq qaçıb" - AÇIQLAMA
"Dünya iqtisadiyyatı və Azərbaycan"( Layihənin müəllifi Rüfət Quliyevdir)
Avropa İttifaqı Rusiya ilə bağlı sanksiya siyasətində yeni, daha sərt mərhələyə qədəm qoymağa hazırlaşır. Fransanın xarici işlər naziri Jan-Noel Barro tərəfindən verilən açıqlamaya əsasən, Aİ son üç ilin ən sərt sanksiyalar paketini tətbiq etməyə qərarlıdır. Bu dəfəki tədbirlər yalnız Rusiya iqtisadiyyatının əsas dayaqlarını – neft gəlirlərini və maliyyə sektorunu deyil, eyni zamanda sanksiyalardan yayınmağa yardım edən üçüncü ölkələrdəki vasitəçi qurumları da hədəfə alacaq. Bu yanaşma Aİ-nin ABŞ ilə koordinasiyalı şəkildə hərəkət etdiyini və Rusiyanın Ukraynaya qarşı müharibə imkanlarını zəiflətməkdə qətiyyətli olduğunu göstərir.
Mövzu ilə bağlı Milli Məclisin 4 çağırış deputatı, professor, iqtisad elmləri doktoru Rüfət Quliyev Crossmedia.az-a açıqlama verib:
“Nəzərə alsaq ki, bu gün Rusiyaya tətbiq olunan sanksiyaların sayı cəmi bütün sanksiyalardan çoxdur. Təbiidir ki, bunun sanksiyalar içərisində ən ağırı neft ixracatı ilə bağlıdır. Belə ki, süni formada Rusiyadan çıxan neftin qiymətini aşağı salmağa çalışdılar. Bu da öz effektini vermədi. Amma daş kömürün ixracatı ilə əlaqədar Rusiyaya tətbiq olunan sanksiyalar, daş kömürdən gələn büdcə gəlirini 40 faiz azalıb. Ümumiyyətlə bu sanksiyalar Rusiyanın dəmir yoluna da təsir edib. Təbiidir ki, Qərbin bir çox şirkəti Rusiya ərazisini tərk edib və ya fəaliyyətini dayandırıb. Sanksiyaların əsas məqsədi ondan ibarətdir ki, Rusiyanın gəlirləri və rus mənşəli milyarderlərin gəlirləri azalsın. Bu yolla Rusiyaya imkan yaratmayacaqlar ki, müharibəyə davam etsin. Bu gün ümumilikdə müharibəyə 172-175 milyard dollar yalnız hərbi xərclərə gedib. Bu da normal haldır. Rusiyada döyüşən əsgərlərin bir çoxu muzdludur və onlara pul ödənilməlidir”.
Ekspert həmçinin bildirib:
“Qərb həmçinin rus milyarderlərdə narazılıq yaratmaq istəyir ki, bəlkə onlar prezidentdən narazı qalıb nəsə addım atsınlar. Düşünürəm ki, bu inandırıcı deyil. Rus oliqarxlarının gəmilərini müsadirə edib hələ də saxlayıblar. Qeyd etmək lazımdır ki, bu gün Rusiyada ən böyük ehtiyaclardan biri mütəxəssiz ehtiyacıdır. Belə bir rəqəmdə səsləndiriblər ki, 2 milyondan artıq mütəxəssis lazımdır. Rusiyadakı mütəxəssislərin böyük bir qismi müharibədən qorxaraq qaçıb. Nəticə olaraq deyə bilərik ki, Rusiya öz iqtisadiyyatını son iki ildə hərbi yolla daha çox inkişaf etdirib. Bu gün Rusiyanın büdcə xərclərinin 40 faizə qədəri müharibə ilə əlaqədardır. Bir faktı da qeyd edim ki, artıq Rusiyanın neftini qeyri qanuni daşıyan gəmilərə də müharibə elan ediblər. Bir neçəsini həbs ediblər, bir neçəsi xarab olub, qalanlarını da Rusiya xüsusi təyyarə ilə müşahidə edir ki, Qərb qoşunu ona toxunmasın. Rusiya hər gün 4 milyon barel nefti qeyri qanuni yolla ixrac edir”.
Ayhan
18:00 08.07.2025
Oxunuş sayı: 12648
