Birləşmiş Ərəb Əmirlikləri İsrail istehsalı olan radiolokasiya sistemini Somalidə yerləşdirib
Birləşmiş Ərəb Əmirlikləri (BƏƏ) İsrailin ELTA şirkəti tərəfindən istehsal olunan ELM-2084 çoxməqsədli radiolokasiya sistemini Somalinin şimal-şərqindəki Bosaso aviabazasının yaxınlığında, Puntland bölgəsində yerləşdirib.
Crossmedia.az xarici mediaya istinadən bildirir ki, bu radar əsasən Yəməndəki qüvvələr tərəfindən İsrail istiqamətində buraxılan ballistik raketlər və pilotsuz uçuş aparatlarını izləmək üçün nəzərdə tutulub. ELM-2084 sistemi hava hücumundan müdafiə məqsədilə müxtəlif ölkələrdə, o cümlədən İsrail, Kanada, Sinqapur və Azərbaycan tərəfindən istifadə olunur .
Bosaso aviabazasında yerləşdirilən bu radar, BƏƏ-nin Yəməndən gələn mümkün hücumlara qarşı erkən xəbərdarlıq sistemini gücləndirmək məqsədi daşıyır.
Fatimə Nəbiyeva
21:05 19.04.2025
Oxunuş sayı: 615
