Uandsvortda vergi artımı hökumətlə müxalifəti üz-üzə qoyub
Böyük Britaniyanın Mühafizəkarlar Partiyasının lideri Kemi Beydenok Uandsvort rayonunda bələdiyyə vergisinin 94 faiz artırılması planına görə hökumətə qarşı hüquqi mübarizə aparmaq üçün vəkillər cəlb edib.
Crossmedia.az xəbər verir ki, BBC bu barədə məlumat yayıb.
Beydenok “Newsnight” proqramına açıqlamasında Uandsvortda nəzərdə tutulan 958 funt sterlinqlik artımı “qalmaqallı” adlandırıb. O bildirib ki, Mühafizəkarlar Partiyası hökumətin bələdiyyəyə illik 84 milyon funt sterlinq maliyyə itkisinə səbəb olan qərarının qarşısının alınıb-alınmayacağını araşdırmaq üçün vəkillərə müraciət edib.
Uandsvort Şurasının məlumatına görə, hökumətin maliyyələşdirmə islahatları nəticəsində rayonun üç il ərzində illik 84 milyon funt sterlinq vəsait itirməsi gözlənilir. Şura bu azalmanın fonunda 2027-ci ilin aprelindən D kateqoriyalı əmlak üçün bələdiyyə vergisinin 958 funt sterlinq artırılmasını təklif edib. Son qərarın 2027-ci ilin əvvəlində verilməsi nəzərdə tutulur.
Britaniya hökuməti isə bildirir ki, maliyyələşdirmə sistemindəki dəyişikliklər köhnəlmiş modelin yenilənməsinə və vəsaitlərin ehtiyacın daha çox olduğu ərazilərə yönəldilməsinə xidmət edir. Uandsvort uzun illər ölkədə ən aşağı bələdiyyə vergisi dərəcələrindən birinə malik olub.
16:47 20.09.2026
Oxunuş sayı: 212
