Rubio: Vens prezident seçkilərinə qatılsa, onu dəstəkləyəcəyəm
ABŞ-nin dövlət katibi Marko Rubio vitse-prezident Cey Di Vensin 2028-ci ildə keçiriləcək prezident seçkilərində namizədliyini irəli sürəcəyi təqdirdə onu dəstəkləyəcəyini açıqlayıb.
Crossmedia.az xəbər verir ki, Marko Rubio bu barədə “The New York Times” qəzetinə müsahibəsində bildirib.
“Cey Di mənim çox yaxşı dostumdur. Əgər o, prezident seçkilərində iştirak etsə, möhtəşəm namizəd olacaq. Bunu əvvəllər də açıq şəkildə demişəm və bir daha təkrar edirəm: onu dəstəkləyən ilk şəxslərdən biri olacağam”, – deyə Rubio vurğulayıb.
Dövlət katibi özünün 2028-ci il prezident seçkilərində iştirak edib-etməyəcəyi ilə bağlı suala isə cavab verməkdən imtina edib.
“Mən artıq 2028-ci il haqqında danışmayacağam. Sadəcə, danışmayacağam”, – deyə o bildirib.
Rubio, həmçinin Donald Tramp administrasiyasındakı vəzifəsindən ayrılmaq niyyətində olması barədə yayılan məlumatları təkzib edərək prezidentin səlahiyyət müddətinin sonunadək işləməyi planlaşdırdığını açıqlayıb.
16:24 06.11.2026
Oxunuş sayı: 69
