Tramp administrasiyasından diqqətçəkən açıqlama: “Zaman və məkanı manipulyasiya edə bilirik”
ABŞ Prezidenti Donald Tramp rəhbərliyindən bir rəsminin sözlərinə görə, ABŞ hökuməti “zamana və məkana nəzarət etmə, məsafələri yox sayma” qabiliyyətinə malik texnologiyalara sahibdir.
Crossmedia.az xarici mediaya istinadən xəbər verir ki, bu bəyanatla çıxış edən Ağ Evin Elm və Texnologiya Siyasəti Ofisinin direktoru Maykl Kratsios, amerikalıların yaxın gələcəkdə “zamana və məkanı büka biləcək elmi kəşflərə yönələcəyini” bildirib. Lakin açıqlamada texnologiyanın təfərrüatları verilməyib.
Ekspertlər bu bəyanatların süni intellekt və kvant hesablamada son nailiyyətlərə şişirdilmiş istinad ola biləcəyini qeyd edir. Hazırda zamanı və məkanı fiziki mənada dəyişdirə biləcək heç bir tanınan texnologiya mövcud deyil.
Xatırladaq ki, Tramp 2019-cu ildə ABŞ-nin kosmosdakı maraqlarını qorumaq məqsədilə ABŞ Kosmik Qüvvələrini yaratmışdı. Son açıqlamalar isə internetdə mövcud olan konspirasiya nəzəriyyələrini yenidən gündəmə gətirib.
Tramp 9 aprel tarixində verdiyi bəyanatında, “Heç kimin nə olduğunu bilmədiyi bir silahımız var. Bu, dünyanın ən güclü silahıdır. Ona yaxın olan heç nə yoxdur”, – demişdi. Sosial media istifadəçiləri Kratsiosun sözlərini bu açıqlama ilə əlaqələndirərək, “Trampın sirli silahı bu texnologiyadır?” sualını gündəmə gətiriblər.
Mədinə Cəlilova
00:19 19.04.2025
Oxunuş sayı: 979
