Moskva və Bakı “Rus evi” məsələsini dialoq yolu ilə həll etməyə çalışır
Rusiya Azərbaycanda fəaliyyət göstərən “Rus evi” ətrafında yaranmış vəziyyətin həll olunacağına ümid edir.
Crossmedia.az RIA Novosti nəşrinə istinadən xəbər verir ki, bu barədə Rusiya Federasiyasının xarici işlər nazirinin müavini Mixail Qaluzin bildirib.
“Ola biləcək bir həll yolu tapacağımıza əminliyimi ifadə etdim. Bunun üçün dialoq aparmaq lazımdır və biz Azərbaycanla bu dialoqu heç vaxt dayandırmamışıq” – deyə diplomat vurğulayıb.
O, Moskva ilə Bakı arasında müttəfiqlik münasibətlərinin bütün məsələlərin, o cümlədən humanitar və mədəni əməkdaşlığın həllində mühüm rol oynadığını qeyd edib.
Qaluzin, həmçinin iki ölkənin əsrlər boyu davam edən ortaq tarixini və mədəniyyətlərin dərin qarşılıqlı təsirini xatırladaraq, “Rus evi” ilə bağlı vəziyyətin qarşılıqlı məqbul həll yolunun tapılacağına inandığını bildirib.
Zəhra Məmmədova
18:05 03.04.2025
Oxunuş sayı: 5737
