Ksaba Korosi: "BMT islahatlara dair ünsiyyət platforması yaratmalıdır"
Bu gün geosiyasi mentalitet başqa danışıq və proseslərlə əvəz olunur, bu da mənfi nəticələrə gətirib çıxarır.
Crossmedia.az xəbər verir ki, bunu BMT 77-ci Baş Assambleyasının Prezidenti Ksaba Korosi XII Qlobal Bakı Forumunda çıxışında deyib.
O deyib ki, dünyanın üzləşdiyi böhranın iki tərəfi var:
“Bunun birincisi geosiyasi tərəfdirsə, digəri insan fəaliyyətinin qeyri-dayanıqlı tempi ilə bağlı tərəfdir. Geosiyasi çağırışların həllində, adətən, çox aşağı dözüm göstəririk. Düşünmək lazımdır, biz reallıqları birgə dəyişmişiksə, o zaman onun həll yollarına da birgə nail olmalıyıq. Amma bu gün geosiyasi mentalitet başqa danışıq və proseslərlə əvəz olunur, mənfi nəticələrə gətirib çıxarır”.
K.Korosinin sözlərinə görə, dünya birgə addımlamalıdır:
“Bu mənada çoxtərəfli danışıqlar vacibdir. Təklif edirəm ki, BMT 193 üzv dövlət arasında islahatlara dair ünsiyyət platforması yaratmalıdır. Bundan sonra isə təşkilat üzv dövlətləri islahatlar prosesində iştiraka sövq edə bilər”.
18:48 13.03.2025
Oxunuş sayı: 9829
