İranın iqtisadi strategiyası sosial etirazlar üzərində qurulub
İslam Respublikası rəsmiləri sanksiyaların nəticələrini aradan qaldırmaq, o cümlədən rialın dəyərini itirməsinin qarşısını almaq üçün Ukrayna ilə müharibədən sonra Rusiyanın pul və bank siyasətində istifadə etdiyi modellərə əl atıb, ancaq əhəmiyyətli bir uğur əldə edə bilməyib.
Crossmedia.az xəbər verir ki, bu barədə “Special Eurasia” saytı İrana qarşı sanksiyaların sərtləşdirilməsinə toxunaraq yazıb.
Bildirilib ki, Rusiyadan fərqli olaraq, İranın güc strukturlarında – ali rəhbərlik, prezident administrasiyası, SEPAH və Mərkəzi Bank sistemində vahid qərar qəbuletmə strukturu yoxdur. Buna görə də, pul siyasətini sərtləşdirməyə yönəlmiş istənilən cəhd daxili narazılığı artıra bilər.
Qeyd olunub ki, Rusiya qlobal maliyyə şəbəkəsindən faydalanır. İran isə ciddi struktur zəiflikləri və beynəlxalq bazarlardan təcridlə üzləşir. İranın üzləşdiyi geosiyasi məhdudiyyətlər ölkədə iqtisadiyyatın bərpası prosesini çətinləşdirib.
15:18 20.02.2025
Oxunuş sayı: 3799
