"Rus Evi" binası üzərindəki lövhə sökülüb - YENİLƏNİB
Bakıda “Rus evi”nin yerləşdiyi bina boşaldılıb.
Mərkəzin qapısı üzərindəki lövhə və həm rus, həm də Azərbaycan dilindəki yazılar sökülüb.
Həmçinin foyedəki məlumat xarakterli afişa və fotolar da yığışdırılıb.(Report)
08:43
XXX
Bakıda “Rus Evi”nin fəaliyyət göstərdiyi binanın üzərindəki hər iki dildə olan lövhə sökülüb.
Crossmedia.az xəbər verir ki, dünən “Rus Evi”nin əməkdaşları məkanı boşaldıblar.
Xatırladaq ki, Azərbaycan “Rus Evi”nin fəaliyyətinə xitam verilməsi barədə Rusiyaya nota göndərib. Belə ki, “Rossotrudniçestvo”nun Azərbaycandakı nümayəndəliyi olan Rusiya İnformasiya-Mədəniyyət Mərkəzi – “Rus Evi”nin hüquqi şəxs qismində qeydiyyatının mövcud olmadığı və təşkilatın Azərbaycan qanunvericiliyini ciddi şəkildə pozduğu barədə Rusiya tərəfinə məlumat verildikdən sonra, 3 fevral 2025-ci il tarixində “Rus Evi”nin fəaliyyətinə xitam verilməsi barədə Rusiya tərəfinə nota göndərilib.
16:03 12.02.2025
Oxunuş sayı: 7741
