Elmar Məmmədyarov: “Məni Rusiyaya işləməkdə ittiham etmək..."
Azərbaycanın sabiq Xarici İşlər Naziri Elmar Məmmədyarov ona qarşı irəli sürülən iddialara cavab verib. O, Rusiyaya işlədiyi barədə yayılan məlumatları əsassız adlandırıb.
Crossmedia.az xəbər verir ki, o bildirib: “Məni Rusiyaya işləməkdə ittiham etmək çox gülməlidir. Elmar Məmmədyarov 5 ildir vəzifədə deyil, görünür, ona görə də məni belə yolla yada salırlar. Bu ittihamın heç bir əsası yoxdur. Hansısa məmurların qarnı ağrıyır, çünki Elmar Məmmədyarov yenə gündəmdədir. Gün ərzində 20 jurnalistə müsahibə verirəm, həmin adamlar bundan narahatdırlar,” – deyə sabiq nazir bildirib.
O, Moskva ilə əlaqəsi olması barədə iddialara da toxunub:
“Məni Moskva ilə əlaqələndirmək üçün heç bir tutarlı səbəb və əsas yoxdur. Mən həm Ukraynada, həm Rusiyada, həm də ABŞ-də təhsil almışam. Bu o deməkdir ki, indi məni bu ölkələrin agenti adlandırmalıdırlar?!”
Xatırladaq ki, Elmar Məmmədyarov 2004–2020-ci illərdə Azərbaycanın Xarici İşlər Naziri vəzifəsində çalışıb.
08:04 11.02.2025
Oxunuş sayı: 7191
