ABŞ Ukrayna - Rusiya müharibəsinin dayandırılmasında böyük irəliləyiş əldə edib
ABŞ Ukrayna-Rusiya müharibəsinin dayandırılması istiqamətinsə ciddi irəliləyiş əldə edib.
Crossmedia.az xəbər verir ki, bu barədə Amerika Prezidenti Donald Tramp Ağ Evin mətbuat xidmətinə istinadən Forth nəşrinə bildirib.
“Rusiya-Ukrayna məsələsində böyük irəliləyiş əldə etmişik”, – deyə Tramp qeyd edib. Lakin o, bunun detalları barədə məlumat verməyib.
Bundan əlavə, ABŞ prezidenti Ukraynanın nadir torpaq metallarına maraq göstərdiyini və onların müqabilində Kiyevə yardım təklif etməyi planlaşdırdığını bildirib.
Respublikaçı Tramp daha öncə də dəfələrlə Ukraynadakı müharibəni dayandıracağına söz verib. O, mütəmadi olaraq Rusiya Prezidenti Vladimir Putinlə tezliklə danışacağını bəyan etsə də, konkret tarix açıqlamayıb. Bundan əlavə, Tramp Moskvanın Ukrayna ilə bağlı razılaşmaya getməyəcəyi təqdirdə, Rusiyaya qarşı yüksək tariflər və yeni sanksiyalar tətbiq edəcəyini bildirmişdi.
Rusiya tərəfi isə yeni ABŞ rəhbərliyi ilə dialoqa, o cümlədən Ukrayna münaqişəsinin həllinə açıq olduğunu vurğulayıb. Kremlin rəsmilərinin sözlərinə görə, hələlik Trampın komandasından dsnışıqlarla bağlı konkret təkliflər daxil olmayıb.
Moskva atəşkəs üçün Ukrayna Silahlı Qüvvələrinin Donetsk, Luqansk, Xerson və Zaporojye bölgələrindən çıxarılmasını, yeni regionların Rusiyanın tərkib hissəsi kimi tanınmasını və Kiyevin NATO-ya qoşulmaq niyyətindən imtina etməsini əsas şərtlər kimi irəli sürür.
Bundan əlavə, Rusiya Ukraynaya hərbi yardım göstərilməsini pisləyir və bunun müharibənin nəticəsini dəyişdirməyəcəyini, əksinə, onu uzatdığını bildirir.
Gültac Mehdizadə
23:48 04.02.2025
Oxunuş sayı: 7118
