Rusiya hərbi kəşfiyyatının rəhbəri İsrailə gizli səfər edib
Rusiya Baş Qərargahının Baş İdarəsinin (QRU) rəisi admiral İqor Kostyukovun İsrailə gizli səfər etdiyi bildirilir.
Crossmedia.az xəbər verir ki, bu barədə İsrailin “Kan 11” telekanalı məlumat yayıb.
Məlumata görə, noyabrın 8-də Rusiyaya məxsus Tu-154M hərbi təyyarəsi Moskvadan İsrailə qeyri-adi uçuş həyata keçirib. Təyyarə yerli vaxtla saat 21:00 radələrində Ben-Qurion hava limanına enib.
İsrailli hərbi jurnalist İtay Blumentalın diqqətə çatdırdığına görə, son illərdə Rusiya hərbi təyyarələri bu hava limanına olduqca nadir hallarda uçuş həyata keçirir.
“Kan 11”in məlumatına əsasən, təyyarədə QRU rəisi İqor Kostyukovun rəhbərlik etdiyi Rusiya nümayəndə heyəti olub.
Bildirilib ki, səfər ABŞ-nin xahişi ilə baş tutub və İsrailin təhlükəsizlik strukturlarının nümayəndələri ilə danışıqları əhatə edib. Görüşün gündəliyi və nəticələri isə rəsmi şəkildə açıqlanmayıb.
15:10 10.11.2026
Oxunuş sayı: 85
