Rusiyada ağır hərbi dronların istehsalı dayandırılır
Rusiyanın “Transport buduşeqo” şirkəti Tolyattidə ağır hərbi dronların istehsal olunduğu zavodun fəaliyyətini müvəqqəti dayandırmaq qərarına gəlib.
Crossmedia.az xəbər verir ki, bu barədə "TASS" məlumat yayıb.
Şirkət qərarı yeni hərbi sifarişlərin olmaması və investorların cinayət təqibinə məruz qalması ilə əlaqələndirib. Zavodda seriyalı pilotsuz uçuş aparatlarının və əsas komponentlərin istehsalı konservasiya ediləcək.
Bununla belə, şirkət hərbi təyinatlı dronların layihələndirilməsi işlərini davam etdirəcək. 2026-cı ilin sonunadək “İzdeliye 80” dronunun üçüncü nəslinin təkmilləşdirilməsi planlaşdırılır.
Şirkət əsas resurslarını kənd təsərrüfatı, logistika və infrastrukturun monitorinqi üçün mülki pilotsuz uçuş aparatlarının hazırlanmasına yönəldəcək.
Qeyd edək ki, layihənin investorları barəsində Müdafiə Nazirliyi üçün pilotsuz uçuş aparatlarının alınmasına ayrılan vəsaitlərin mənimsənilməsi ilə bağlı cinayət işi açılıb. İş üzrə “Efko” şirkətinin əsas səhmdarı Valeri Kustov da daxil olmaqla azı 10 nəfər keçir.
07:40 10.11.2026
Oxunuş sayı: 117
