Xarici xəbərlər
Melaniya Tramp Zelenskiyə təşəkkür edib
ABŞ-nin birinci xanımı Melaniya Tramp Ukrayna Prezidenti Volodimir Zelenskiyə təşəkkürünü bildirib və onun təqdim etdiyi mükafatla bağlı paylaşım edib.
Crossmedia.az xəbər verir ki, Melaniya Tramp bu barədə sosial şəbəkə hesabında məlumat yayıb.
O, Ağ Evdə keçirilən görüş zamanı Ukrayna Ali Radasının İnsan Hüquqları üzrə Müvəkkili Dmitri Lubinets tərəfindən dövlət başçısının adından təqdim edilən I dərəcəli Knyaginya Olqa ordeninə görə təşəkkür edib.
Melaniya Tramp bildirib ki, ABŞ-nin Xerson vilayətinin müvəqqəti işğal altında olan Oleşki şəhərində atəşkəsin təmin olunması istiqamətindəki səyləri təxminən 800 nəfərin xilas edilməsinə, eləcə də 34 uşağın ailələrinə qaytarılmasına kömək edib.
Onun sözlərinə görə, bu nəticələr birgə fəaliyyətin insanların həyatında müsbət dəyişikliklər yarada biləcəyini göstərir.
22:23 06.11.2026
Oxunuş sayı: 64
