Tramp demokratların qələbəsindən sonra “VETO” yazılı papaq paylaşıb
ABŞ Prezidenti Donald Tramp Konqresə keçirilən aralıq seçkilərdə demokratların qələbəsindən sonra üzərində “VETO” yazılmış qırmızı papağın şəklini paylaşıb.
Crossmedia.az xəbər verir ki, “The Statesman” nəşri bu barədə məlumat yayıb.
Tramp paylaşımı özünün “Truth Social” sosial şəbəkə hesabında edib. Şəkildə qırmızı papağın üzərində böyük hərflərlə “VETO” sözü əks olunub.
Bununla belə, ABŞ Prezidenti müsahibəsində demokratlarla əməkdaşlığa hazır olduğunu bildirib.
O, prezidentlik müddətinin qalan iki ilini Konqresdən gələn bütün qanun layihələrinə veto qoymaqla keçirmək istəmədiyini ifadə edib.
Tramp demokratlarla ortaq məxrəcə gəlməyin mümkün olduğunu qeyd edib. Eyni zamanda, qəbuledilməz hesab etdiyi qanun layihələrini veto etmək səlahiyyətindən istifadə edə biləcəyini vurğulayıb.
Qeyd edək ki, noyabrın 3-də keçirilən aralıq seçkilərdə Demokratlar Partiyası Konqresin hər iki palatasında çoxluğu əldə edib.
11:34 04.11.2026
Oxunuş sayı: 163
