Türkiyə təhsil göstəricilərində ən böyük irəliləyişi göstərib
PISA 2025 nəticələrinə görə, dünyanın bir çox ölkəsində şagirdlərin təhsil göstəricilərində geriləmə qeydə alınıb, Türkiyə isə OECD ölkələri arasında hər üç fənn üzrə ən böyük irəliləyiş göstərib.
Crossmedia.az xəbər verir ki, PISA 2025 qiymətləndirməsində 91 ölkə və iqtisadiyyatdan 760 min şagird iştirak edib.
Reytinqdə Sinqapur, Çin, Yaponiya və Cənubi Koreya ən yüksək nəticə göstərən ölkələr sırasında yer alıb. Almaniya, Fransa və Avstraliyada isə əvvəlki dövrlə müqayisədə nəticələrin aşağı düşdüyü bildirilir.
Fransa riyaziyyat, təbiət elmləri və oxu üzrə tarixinin ən aşağı nəticələrindən bəzilərini göstərib. Almaniyada isə son 25 ilin ən zəif göstəricisi qeydə alınıb. Ölkədə təxminən hər üç şagirddən birinin oxu və riyaziyyat üzrə əsas səviyyəyə çata bilmədiyi qeyd olunur.
Türkiyənin nəticələri isə bu ümumi tendensiyadan fərqlənib. Ölkə OECD üzvləri arasında riyaziyyat, təbiət elmləri və oxu üzrə göstəricilərini ən çox yaxşılaşdıran dövlət olub.
17:03 09.09.2026
Oxunuş sayı: 40
