Çiyələk və yoqurt kimlərdə narahatlıq yarada bilər?
Çiyələk və yoqurt əksər insanlar üçün təhlükəsiz və faydalı qida seçimidir.
Crossmedia.az xəbər verir ki, “Gazeta.Ru” bu barədə “Meditsina” klinikasının qastroenteroloqu, tibb elmləri namizədi Yevgeni Belousova istinadən məlumat yayıb.
Mütəxəssis bildirib ki, bu iki məhsulun birlikdə qəbul edilməsi özlüyündə sağlamlıq üçün təhlükə yaratmır. Yararsız reaksiyalar əsasən allergiya, müəyyən komponentlərə qarşı dözümsüzlük və insanın fərdi sağlamlıq xüsusiyyətləri ilə əlaqəlidir.
Çiyələk xüsusilə allergiyaya meyilli insanlarda, o cümlədən uşaqlarda allergik reaksiyaya səbəb ola bilər. Belə hallarda qaşınma, dəridə qızartı və səpkilər, dodaqlarda şişkinlik, həmçinin boğazda narahatlıq yarana bilər. Yoqurt isə laktoza dözümsüzlüyü və ya süd məhsullarına həssaslığı olan insanlarda köp, qarın ağrısı, qarında qurultu və nəcis ifrazında dəyişikliklərə səbəb ola bilər.
Həkim vurğulayıb ki, giləmeyvələrin süd məhsulları ilə birlikdə qəbul edilməsinin zərərli olması barədə fikrin elmi əsası yoxdur. Əsas amillər məhsulların keyfiyyəti və orqanizmin fərdi reaksiyasıdır. Mədə-bağırsaq xəstəliklərindən əziyyət çəkən insanlara isə ehtiyatlı olmaq tövsiyə olunur. Turş giləmeyvələr bəzi hallarda mədə yanmasını və qarında narahatlığı artıra bilər.
12:08 30.08.2026
Oxunuş sayı: 61
