Səs-küyə etiraz edən kişini vaqondan çıxarıb döydülər
Rusiyanın Kaluqa vilayətində altı yeniyetmə elektrik qatarında səs-küy saldıqlarına görə onlara irad bildirən kişini vaqondan çıxararaq döyüblər.
Crossmedia.az xəbər verir ki, bu barədə “Tipiçnıy Obninsk” Telegram kanalı məlumat yayıb.
Hadisə Obninskoye dəmir yolu stansiyasında baş verib. İlkin məlumata görə, elektrik qatarında səs-küy salan altı yetkinlik yaşına çatmayan sərnişinə evsiz kişi irad bildirib. Bundan sonra yeniyetmələr onun qollarından tutaraq vaqondan platformaya çıxarıb və təpiklərlə döyməyə başlayıblar.
Hücumdan sonra yeniyetmələr Maloyaroslavets istiqamətində hərəkətlərini davam etdiriblər. Hadisə zamanı ərazidə olan laqeyd qalmayan şəxslər zərərçəkənə kömək ediblər.
Telegram kanalının paylaşımında şəhərətrafı qatarların gecə saatlarında mühafizəsinin və polis nəzarətinin yetərli olub-olmaması ilə bağlı suallar qaldırılıb.
Xatırladaq ki, bundan əvvəl Uralda yeniyetmələr tramvay konduktoruna hücum etmişdilər. Hadisə nəticəsində onun qaşı yarılmış, tramvayların hərəkəti 40 dəqiqəlik dayandırılmışdı. Buna baxmayaraq, zərərçəkən işini davam etdirmişdi. Faktla bağlı hüquq-mühafizə orqanları araşdırma başladıb.
Bundan başqa, Sankt-Peterburqda məktəblilərdən biri məktəbdə ağır döyülmüş, nəticədə qolu sınmışdı.
23:20 15.10.2026
Oxunuş sayı: 56
