I İstanbul Enerji Forumu Türkiyə Prezidenti Rəcəb Tayyib Ərdoğanın iştirakı ilə İstanbul Konqres Mərkəzində başlayıb.
Crossmedia.az xarici KİV-ə istinadla xəbər verir ki, forum “Ortaq gələcək, ortaq hədəflər” mövzusuna həsr olunub.
Tədbirdə müxtəlif ölkələrin enerji sahəsindən məsul yüksəksəviyyəli dövlət rəsmiləri, beynəlxalq qurumların nümayəndələri, elm xadimləri və iş adamları iştirak edirlər.
Həmçinin, tədbirə Türkiyənin energetika və təbii sərvətlər naziri Alparslan Bayraktarın dəvəti ilə Azərbaycanın energetika naziri Pərviz Şahbazov da qatılıb.
Qeyd edək ki, forumda "Qaz təhlükəsizliyinin yeni dinamikaları", "Ağıllı enerji keçidi" və "Enerji keçidinin maliyyələşdirilməsi" mövzularında iclaslar keçiriləcək. Forum "Anadolu Agentliyinin təşəkkür və dəyərləndirmə yığıncağı" ilə sona çatacaq.
Nəzrin Salmanova
