Ermənistan parlamenti ilə bağlı sərt tənqid: Qanunun yerini təhdidlər tutub
Ermənistan parlamentinin deputatı Aram Vardevanyan Milli Assambleyanın real sosial-iqtisadi problemlərdən uzaqlaşdığını və parlament rəhbərliyinin təhdid dilinə keçdiyini bildirib.
Crossmedia.az xəbər verir ki, müxalif “Güclü Ermənistan” blokunun deputatı Aram Vardevanyan avqustun 14-də parlamentdə jurnalistlərə açıqlamasında iclaslardakı vəziyyəti və qalmaqallı insidentlərlə bağlı fraksiyasının mövqeyini şərh edib.
Vardevanyanın sözlərinə görə, iclaslara rəhbərlik edən şəxslər bitərəf arbitr olmaq vədindən imtina edərək yalnız hakim komandanın maraqları naminə fəaliyyət göstərirlər. O, parlament rəhbərliyini deputatları iclas zalından çıxarmaqla hədələməkdə və “gözə-göz” prinsipindən istifadə etməkdə ittiham edib.
Deputat bildirib ki, rəhbərlik tərəfindən müxalifətdən hüquqi əsas olmadan üzr istəməsinin tələb edilməsi “mütləq hüquqi nihilizmdən” xəbər verir. Vardevanyan fraksiyanın mövqeyini artıq rəhbər Narek Karapetyan vasitəsilə açıqladığını və ona qəbul etdirilməyə çalışılan qaydalarla razılaşmayacağını vurğulayıb.
14:40 14.08.2026
Oxunuş sayı: 41
