Xarici xəbərlər

Ər-Riyadda kritik görüş: İraq və Səudiyyə Ərəbistanı PUA təhlükəsini müzakirə edəcək

İraqın təhlükəsizlik məsələləri üzrə nümayəndə heyəti Səudiyyə Ərəbistanının paytaxtı Ər-Riyadda keçiriləcək görüşlərdə krallığa qarşı hücumlar və pilotsuz uçuş aparatları (PUA) problemini müzakirə edəcək.

Crossmedia.az xəbər verir ki, bu barədə İraq İnformasiya Agentliyi məlumat yayıb.

Görüşlərdə regional təhlükəsizlik vəziyyəti, PUA-lardan istifadə ilə bağlı təhdidlər və bu kimi hücumların qarşısının alınması yollarının müzakirə olunacağı gözlənilir. Son dövrdə Səudiyyə Ərəbistanı ərazisinə yönələn dron hücumları ilə bağlı təhlükəsizlik narahatlıqları artıb.

Bağdad daha əvvəl İraq ərazisinin qonşu ölkələrə qarşı hücumlar üçün istifadə edilməsinə icazə verməyəcəyini açıqlayıb.

Mövzular:

Ər-Riyad İraq təhlükəsizlik görüş müzakirə PUA hücum Səudiyyə Ərəbistanı

🖨 Çap et

23:10 12.08.2026

Oxunuş sayı: 43