MilliÖN-də gizli komissiya iddiası: Görməli olduğunuz nüans açıqlandı
Bəzi vətəndaşlar Milliön vasitəsi ilə banka ödəniş edərkən onlardan komissiya tutulduğunu, lakin komissiyanın nə qədər olduğunu əvvəlcədən göstərmədiyini iddia edib. Belə ki, ödənişi etdikdən sonra ödənilən məbləğdən müəyyən qədər pul tutulub. Bu da onları narazı salıb. Vətəndaşlar bu komissiya haqqının əvvəlcədən qeyd olunmamasını doğru hesab etmədiyini bildirirlər.
Məsələ ilə bağlı Crossmedia.az-ın sorğusuna Milliön-dən cavab olaraq bildirilib ki, müəyyən banklara ödəniş edərkən komissiya haqqında məlumat ödəniş prosesindən əvvəl ekranda təqdim olunur.
Yəni vətəndaş ödəniş həyata keçirməzdən əvvəl neçə faiz komissiya tutulacağı barədə məlumatlandırılır. Lakin bu ən birinci səhifədə qeyd edildiyi üçün xidmətdən istifadə edən bir çox şəxsin gözündən qaçır.
Göründüyü kimi vətəndaşların "tələskənliyi" onları bir növ yanıldır. Vətəndaşlara xidmətdən istifadə edərkən qeyd olunan məlumatları daha diqqətli oxumaqlarını tövsiyyə edirik.
Qeyd edək ki, komissiyalı ödəniş müəyyən banklara aiddir.
Məhəbbət Tərlanoğlu
19:00 31.07.2026
Oxunuş sayı: 80
