Ermənistanda yeni təyinatlar: Müdafiə və daxili işlər nazirləri postlarını qoruyur
Ermənistanda hakim “Vətəndaş Müqaviləsi” Partiyasının İdarə Heyətinin iclasında parlament komissiyalarına sədr namizədləri müəyyənləşdirilib.
Crossmedia.az xəbər verir ki, bu barədə “Sputnik Armenia” məlumat yayıb.
Məlumata görə, ölkənin müdafiə və daxili işlər nazirləri vəzifələrini qoruyacaqlar.
Baş nazir Nikol Paşinyan bildirib ki, qəbul edilən qərarlar hələlik yekun hesab olunmur. Onun sözlərinə görə, bu, müxalifətin hansı parlament komissiyalarını seçəcəyindən asılı olacaq.
İclasda həmçinin Ermənistan Baş nazirinin Administrasiyasının rəhbəri vəzifəsinə ABŞ-də sabiq səfir Lilit Makuntsun namizədliyi irəli sürülüb.
Bundan başqa, parlamentin daimi komissiyalarına sədr postları üçün namizədlər də açıqlanıb. Əmək və sosial məsələlər komissiyasına Nazeli Bağdasaryan, səhiyyə komissiyasına Lusine Badalyan, xarici əlaqələr komissiyasına Sarkis Xandanyan, elm, təhsil, mədəniyyət, diaspor, gənclər və idman komissiyasına Sisak Qabrielyan, insan hüquqları və ictimai məsələlər komissiyasına Zarui Batoyan, müdafiə və təhlükəsizlik komissiyasına Vilen Qabrielyan, dövlət-hüquq məsələləri komissiyasına Arusyak Culhakyan, ərazi idarəetməsi, yerli özünüidarəetmə, kənd təsərrüfatı və ətraf mühitin mühafizəsi komissiyasına Vahe Qalumyan, iqtisadi məsələlər komissiyasına Babken Tunyan, maliyyə-kredit və büdcə məsələləri komissiyasına isə Tsovinar Vardanyanın namizədliyi irəli sürülüb.
Regional məsələlər və Avrasiya inteqrasiyası komissiyası ilə bağlı yekun qərarın isə müxalifətin seçiminə uyğun olaraq veriləcəyi bildirilib.
17:11 29.07.2026
Oxunuş sayı: 39
