Xarici xəbərlər
ABŞ Çin robotlarının idxalını qadağan etməyə hazırlaşır
ABŞ hakimiyyəti Çindən yeni nəsil şəbəkə invertorlarının, humanoid və dördayaqlı robotların idxalına qadağa tətbiq etməyi planlaşdırır.
Crossmedia.az xəbər verir ki, bu barədə xarici KİV məlumat yayıb.
Məlumata görə, Vaşinqton bu addımı milli təhlükəsizlik maraqları ilə əsaslandırır. Bildirilir ki, qadağa süni intellekt sahəsində təchizat zəncirinin təhlükəsizliyini təmin etmək, kibertəhlükəsizlik risklərini minimuma endirmək və yerli sənayeni dəstəkləmək məqsədi daşıyır.
ABŞ rəsmiləri hesab edirlər ki, bu tədbirlər strateji texnologiyalar sahəsində xarici asılılığın azaldılmasına xidmət edəcək.
16:49 29.07.2026
Oxunuş sayı: 40
