ABŞ və Səudiyyə Ərəbistanı İraqdakı hədəflərə zərbələr endirib
ABŞ və Səudiyyə Ərəbistanının silahlı qüvvələri İraqda İranın dəstəklədiyi silahlı qrupların mövqelərinə zərbələr endirib. Crossmedia.az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb. Məlumata görə, əməliyyat ABŞ hərbçilərinə və Səudiyyə Ərəbistanının enerji infrastrukturuna qarşı hücum hazırlığında ittiham olunan qruplara qarşı həyata keçirilib.
ABŞ və Səudiyyə Ərəbistanının silahlı qüvvələri İraqda İranın dəstəklədiyi silahlı qrupların mövqelərinə zərbələr endirib.
Crossmedia.az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
Məlumata görə, əməliyyat ABŞ hərbçilərinə və Səudiyyə Ərəbistanının enerji infrastrukturuna qarşı hücum hazırlığında ittiham olunan qruplara qarşı həyata keçirilib.
CENTCOM bildirib ki, ABŞ və Səudiyyə Ərəbistanına məxsus qırıcılar İraqın şərqində yerləşən silahlı qrupların logistika və silah anbarlarını hədəfə alıb. Əməliyyat son 72 saat ərzində ABŞ qüvvələrinə qarşı həyata keçirilən 30-dan çox pilotsuz uçuş aparatı hücumuna cavab olaraq təşkil edilib.
Komandanlıq qeyd edib ki, ABŞ hərbçilərinə qarşı hücumlar nəticəsiz qalıb.
Səudiyyə Ərəbistanının Müdafiə Nazirliyi isə bildirib ki, ölkənin hava hücumundan müdafiə qüvvələri İraq ərazisindən buraxılan bir neçə pilotsuz uçuş aparatını məhv edib. Nazirliyin məlumatına görə, dronlar krallığın Şərq əyalətində yerləşən neft obyektlərini hədəf almışdı.
09:17 29.07.2026
Oxunuş sayı: 44
