Parisdə Dünya Azərbaycanlılarının Həmrəyliyi Günü qeyd olunub
Parisdə fəaliyyət göstərən “Natəvan” Azərbaycan həftəsonu məktəbində Fransa-Azərbaycan Dialoqu Assosiasiyasının təşkilatçılığı, Azərbaycanın Fransadakı Səfirliyinin dəstəyi ilə Dünya Azərbaycanlılarının Həmrəyliyi Gününə və Yeni ilə həsr olunmuş tədbir keçirilib.
Crossmedia.az Diasporla İş üzrə Dövlət Komitəsi-nə istinadən bildirir ki, tədbirdə “Natəvan” məktəbinin müəllim kollektivi, şagirdləri və onların valideynləri, eləcə də Azərbaycanın Fransadakı Səfirliyinin diplomatları iştirak edib. Məktəbin müəllim kollektivi və milli geyimdə olan şagirdləri səfirliyin nəzdində fəaliyyət göstərən Mədəniyyət Mərkəzində əsl bayram əhvali-ruhiyyəsi yaradıb.
“Natəvan” məktəbinin şagirdlərinin hazırladıqları ədəbi-musiqili proqram nümayiş olunub. Şaxta baba uşaqlara hədiyyələr verib.
18:45 25.12.2024
Oxunuş sayı: 4035
