Salonikidə Dünya Azərbaycanlılarının Həmrəyliyi Günü qeyd edilib
Yunanıstanın Saloniki şəhərində 31 Dekabr – Dünya Azərbaycanlılarının Həmrəyliyi Günü münasibətilə Azərbaycan icması ilə görüş keçirilib. Görüş Azərbaycanın Yunanıstandakı Səfirliyinin dəstəyi, “QALA” Yunanıstan-Azərbaycan Dostluq Cəmiyyətinin təşkilatçılığı ilə baş tutub.
Crossmedia.az Diasporla İş üzrə Dövlət Komitəsi-nə istinadən bildirir ki, “QALA” Yunanıstan-Azərbaycan Dostluq Cəmiyyətinin sədri Rəşid Məmmədov çıxışında dünyanın müxtəlif ölkələrində məskunlaşmış soydaşlarımızın hər il 31 Dekabr – Dünya Azərbaycanlılarının Həmrəyliyi Gününü böyük həvəs və coşqu ilə qeyd etdiklərini vurğulayıb. Dünya azərbaycanlılarının birliyi və həmrəyliyi ideyasının əsasını Azərbaycan dövlətçiliyinə, xalqımızın dilinə, dininə, milli-mənəvi varlığına və ümumbəşəri dəyərlərə hörmət, onların qorunmasına, yaşamasına qayğı təşkil etdiyini deyib.
18:00 25.12.2024
Oxunuş sayı: 23167
