Zelenski ABŞ-a gedə bilər: Trampla görüş ehtimalı gündəmdə
Ukrayna Prezidenti Volodimir Zelenski ABŞ-yə səfər edərək amerikalı senator Lindsi Qremin dəfn mərasimində iştirak etməyi və ABŞ Prezidenti Donald Tramp ilə görüşməyi nəzərdən keçirir.
Crossmedia.az xəbər verir ki, "İctimai" nəşri bu barədə diplomatik dairələrdəki mənbələrə istinadən məlumat yayıb.
Məlumata görə, Zelenski ilə Tramp arasında görüş Rusiya-Ukrayna münaqişəsinin nizamlanması üzrə sülh danışıqlarının davamı çərçivəsində baş tuta bilər.
Nəşrin yazdığına görə, Zelenski Lindsi Qremin vida mərasiminə dəvət alıb. Bununla belə, səfərin yekun proqramı, keçiriləcək görüşlər və iştirakçıların tam siyahısı hələ razılaşdırılmayıb. Mənbələr bildiriblər ki, Zelenskinin ABŞ-yə gedə bilməyəcəyi təqdirdə tədbirlərdə Ukrayna nümayəndə heyəti iştirak edəcək.
Ali Radanın deputatı Yaroslav Jeleznyak da "Telegram" kanalında yazıb ki, Zelenskinin bu və ya gələn həftə ABŞ-də Prezident Donald Trampın xüsusi nümayəndələri Stiv Uitkoff və Cared Kuşner ilə görüşü planlaşdırılır.
10:46 23.07.2026
Oxunuş sayı: 58
