Tramp Səudiyyə Ərəbistanının nüvə proqramına dəstək sazişini təsdiqləyib
ABŞ Prezidenti Donald Tramp Vaşinqtonun Səudiyyə Ərəbistanının dinc nüvə proqramına dəstəyini nəzərdə tutan sazişi təsdiqləyib.
Crossmedia.az xəbər verir ki, bu barədə "The Wall Street Journal" məlumat yayıb.
Məlumata görə, 30 il müddətinə nəzərdə tutulan yeni saziş çərçivəsində on milyardlarla dollar həcmində maliyyələşdirmə ayrılacaq. Səudiyyə Ərəbistanında nüvə infrastrukturunun yaradılmasında əsas rolu ABŞ şirkətləri oynayacaq.
Sazişin əsas bəndlərindən biri tərəflərin məqsədəuyğun hesab edəcəyi təqdirdə Səudiyyə Ərəbistanı ərazisində uranın zənginləşdirilməsi müəssisəsinin tikintisini nəzərdə tutur.
Nəşrin məlumatına əsasən, sənəd yaxın vaxtlarda baxılması üçün ABŞ Konqresinə təqdim ediləcək.
10:43 22.07.2026
Oxunuş sayı: 59
