Rusiyanın miqrantları xüsusi telefonla izləmə planı açıqlanıb
Rusiya Daxili İşlər Nazirinin müavini, dövlət katibi İqor Zubov bildirib ki, ölkəyə gələn miqrantlar üçün elektron profili olan xüsusi telefonların alınması məcburi edilə bilər.
Crossmedia.az bu barədə xarici mediaya istinadən xəbər verir.
Onun sözlərinə görə, bu sistem vasitəsilə hüquq-mühafizə orqanları ölkəyə daxil olan hər bir şəxsin yerləşdiyi məkan barədə məlumat əldə edə biləcək.
Bildirilib ki, xüsusi telefon tətbiqi miqrantlara sənədlərinin qüvvədə olma müddətinin başa çatması və ya hər hansı ünvana müraciət etmə zərurəti barədə xəbərdarlıq etmək imkanı da verəcək.
Rusiya rəsmisi qeyd edib ki, belə mexanizmin məqsədi miqrantların qeydiyyatına və nəzarət prosesinə nəzarəti gücləndirməkdir.
21:20 15.07.2026
Oxunuş sayı: 57
