İlham Əliyevin ilk dəfə Azərbaycan Prezidenti seçilməsindən 23 il ötür
Bu gün İlham Əliyevin ilk dəfə Azərbaycan Respublikasının Prezidenti seçilməsindən tam 23 il ötür.
Crossmedia.az xatırladır ki, 2003-cü il oktyabrın 15-də keçirilən seçkilərdə xalqın böyük etimadını qazanan İlham Əliyev o vaxtdan bəri ölkəmizi inkişaf və tərəqqi yolunda inamla irəlilədir. Ulu Öndər Heydər Əliyevin siyasi kursunu uğurla davam etdirən Prezident İlham Əliyev Azərbaycanı regionun güclü və nüfuzlu dövlətinə çevirib.
Son 23 ildə ölkəmizdə iqtisadiyyat dəfələrlə böyüyüb, sosial infrastruktur yenilənib, minlərlə yeni iş yeri açılıb. Bakı və digər şəhərlərimiz müasir görkəm alıb, kəndlərimiz abadlaşıb. Enerji layihələri, nəqliyyat dəhlizləri və beynəlxalq əməkdaşlıq Azərbaycanı dünyada tanınan tərəfdaşa çevirib.
Ən mühüm nailiyyət isə 44 günlük Vətən müharibəsində əldə olunan tarixi Qələbədir. Prezident, Ali Baş Komandan İlham Əliyevin rəhbərliyi ilə torpaqlarımız işğaldan azad edildi, ərazi bütövlüyümüz tam bərpa olundu. Bu, bütün xalqın ürəyində yaşayan böyük arzunun gerçəkləşməsi idi.
Bu gün Qarabağ və Şərqi Zəngəzur sürətlə dirçəlir, qayıdış prosesi davam edir. Gələcəyə inamla baxan Azərbaycan xalqı Prezident İlham Əliyevin ətrafında sıx birləşərək daha böyük uğurlara doğru irəliləyir.
23 illik bu yol sabitlik, inkişaf və qələbələr yoludur. Azərbaycan bu illərdə daha güclü, daha müstəqil və daha qürurlu dövlətə çevrilib. Xalqımızın dəstəyi və etimadı ilə bu yol bundan sonra da uğurla davam edəcək.
Bu münasibətlə bütün xalqımızı təbrik edir, ölkəmizə və xalqımıza yeni-yeni uğurlar arzulayırıq.
00:01 15.10.2026
Oxunuş sayı: 50
