Tevanyan: Paşinyan xarici dəstəyin əvəzini ödəyəcək
Həbsdə olan erməni müxalifət nümayəndəsi Andranik Tevanyan Baş nazir Nikol Paşinyanı hakimiyyətdə qalmaq üçün xarici dəstəkdən istifadə etməkdə ittiham edib.
Crossmedia.az bu barədə xarici mediaya istinadən xəbər verir.
Tevanyan iddia edib ki, Paşinyan aldığı xarici dəstəyin əvəzini ödəməli olacaq. Onun sözlərinə görə, Türkiyə, Azərbaycan, Fransa Prezidenti Emmanuel Makron və Avropa İttifaqı rəsmiləri Ermənistan seçkilərinə müdaxilə edib və hazırda bunun qarşılığını tələb edirlər.
Müxalifət nümayəndəsi Paşinyanı xarici qüvvələrin təsiri ilə hərəkət etməkdə, söz azadlığını məhdudlaşdırmaqda və siyasi fəaliyyəti cinayət kimi təqdim etməkdə günahlandırıb.
Tevanyan Ermənistan daxilindəki qüvvələri onun ifadəsi ilə Ukraynalaşma, Moldovalaşma və Azərbaycanlaşma adlandırdığı proseslərə qarşı birləşməyə, həmçinin Qərbi Azərbaycan layihəsini rədd etməyə çağırıb.
21:18 07.07.2026
Oxunuş sayı: 265
