Fransa XİN: İranda etirazlar zamanı ölənlər unudulmamalıdır
Fransanın xarici işlər naziri Jan-Noel Barro bildirib ki, beynəlxalq ictimaiyyət İranda yanvar ayında baş vermiş etirazların zorakılıqla yatırılması zamanı həlak olanları unutmamalıdır.
Crossmedia.az xəbər verir ki, “France Info” telekanalına müsahibəsində danışan nazir ABŞ və İran arasında əldə olunan razılaşmanı şərh edərkən İran xalqının həm müharibənin, həm də daxili təzyiqlərin əsas qurbanlarından biri olduğunu deyib.
Barro qeyd edib ki, yanvar etirazları zamanı dinc nümayişçilərə qarşı tətbiq olunan zorakılıq yadda saxlanılmalı və həmin hadisələrə diqqət azalmamalıdır.
Fransa daha əvvəl ABŞ və İsrailin İrana qarşı hərbi əməliyyatlarını tənqid edib və münaqişədə iştirak etməyəcəyini açıqlayıb.
17:40 19.06.2026
Oxunuş sayı: 50
