Xarici xəbərlər

ABŞ və İran memorandumun icrası üçün gizli planlar hazırlayır

ABŞ və İran bu həftə imzalanmış anlaşma memorandumunun həyata keçirilməsi məqsədilə gizli icra planları üzərində işləyir.

Crossmedia.az xəbər verir ki, bu barədə CNN məlumat yayıb.

Telekanalın məlumatına görə, danışıqlarla tanış olan ABŞ rəsmiləri, regional mənbə və keçmiş amerikalı rəsmiyə istinadən hazırlanmaqda olan sənədlərdə İranın nüvə proqramı ilə bağlı məsələlərin daha ətraflı şəkildə tənzimlənməsi nəzərdə tutulur.

Mənbələrin bildirdiyinə əsasən, hazırda “işçi sənədlər” kimi qiymətləndirilən layihələr növbəti mərhələdə rəsmi formatda təqdim ediləcək və tərəflər arasında razılaşdırılacaq.

Məlumata görə, sözügedən sənədlər İranın nüvə fəaliyyəti və digər əsas məsələlər üzrə ABŞ-nin irəli sürdüyü tələbləri əks etdirən konkret müddəaları özündə ehtiva edir.

Hələlik nə Vaşinqton, nə də Tehran məsələ ilə bağlı rəsmi açıqlama verməyib. CNN qeyd edir ki, sənədlərin yekunlaşdırılması tərəflər arasında aparılan danışıqların gedişindən asılı olacaq.

🖨 Çap et

15:13 19.06.2026

Oxunuş sayı: 307