Xarici xəbərlər

SEPAH İraqda yeni gizli hücrələr yaradıb

İran İslam İnqilabı Keşikçiləri Korpusu (SEPAH) ABŞ hərbi qüvvələrinin yerləşdiyi Fars körfəzi ölkələrinə qarşı mümkün əməliyyatlar üçün İraqda yeni gizli hücrələr formalaşdırıb.

Crossmedia.az xəbər verir ki, bu barədə "Reuters" xəbər agentliyi məlumat yayıb.

Məlumata görə, sözügedən hücrələr mövcud silahlı qruplardan kənar şəkildə yaradılıb və aşkarlanma riskini azaltmaq məqsədilə birbaşa SEPAH-a hesabat verir. Mənbələrin bildirdiyinə görə, bu strukturun yaradılmasında məqsəd bölgədə əməliyyat imkanlarını qorumaq və təsir gücünü saxlamaqdır.

Reuters-in həmsöhbətləri qeyd ediblər ki, bu addım İranın bölgədəki silahlı müttəfiq qruplarının sayının azalması, eləcə də hərbi və iqtisadi resurslarının zəifləməsi fonunda SEPAH-ın taktikasında dəyişiklikdən xəbər verir.

Mənbələrin sözlərinə görə, yeni yanaşma Tehranın regional təsir imkanlarını davam etdirmək və zərurət yaranacağı təqdirdə hərbi fəaliyyət potensialını saxlamaq məqsədi daşıyır.

🖨 Çap et

14:28 19.06.2026

Oxunuş sayı: 56