Xarici xəbərlər

İran XİN ABŞ ilə mümkün razılaşmanın şərtlərini açıqlayıb

İran Xarici İşlər Nazirliyinin sözçüsü İsmayıl Bəqayi Livanın “Al-Axbar” nəşrinə müsahibəsində ABŞ ilə mümkün razılaşmaya dair bəzi məqamları açıqlayıb.

Crossmedia.az xəbər verir ki, onun sözlərinə görə, sənəd Livanın suverenliyi və ərazi bütövlüyünə zəmanət verilməsi öhdəliyini nəzərdə tutur və İsrail qoşunlarının Livan ərazisindən çıxarılması əsas şərtlərdən biri kimi göstərilir.

Bəqayi bildirib ki, “işğalçı qüvvələr” Livanı tərk etməyənədək müharibənin başa çatmasından danışmaq mümkün deyil. O, İranın müharibənin dayandırılmasına hazır olduğunu, lakin İsrailə qarşı mövqeyinin dəyişməyəcəyini vurğulayıb.

Sözçü həmçinin qeyd edib ki, İranın hər hansı düşmənçilik addımı atmamaq öhdəliyi yalnız ölkə daxilini deyil, həm də regiondakı müttəfiqlərini əhatə edir.

Onun sözlərinə görə, sözügedən razılaşma ABŞ və onun müttəfiqləri ilə İran və onun tərəfdaşları arasında münaqişənin dayandırılmasını nəzərdə tutur.

🖨 Çap et

12:57 19.06.2026

Oxunuş sayı: 44