Xameneyinin dəfn tarixi AÇIQLANDI
Fevralın 28-də ABŞ və İsrailin hava zərbələri nəticəsində həlak olan İranın sabiq Ali Lideri Ayətullah Seyid Əli Xameneinin dəfn mərasiminin vaxtı açıqlanıb.
Crossmedia.az xəbər verir ki, bu barədə İran dövlət televiziyası (IRIB) məlumat yayıb.
Məlumata görə, dövlət səviyyəli rəsmi vida mərasimləri iyul ayının əvvəlində reallaşacaq. Təqvimə əsasən, eks-lider üçün ilk cənazə mərasimi 4-5 iyul tarixlərində paytaxt Tehrandakı İmam Xomeyni Müsəlla məscidində keçiriləcək. Ardınca, iyulun 6-da Tehranda ikinci kütləvi vida mərasimi təşkil olunacaq.
Qeyd olunub ki, cənazə iyulun 7-də dini mərkəz sayılan Qum şəhərinə aparılacaq və burada növbəti mərasim keçiriləcək. İyulun 9-da isə Məşhəd şəhərində yekun vida mərasimi baş tutacaq. Xameneinin nəşi elə həmin gün Məşhəd şəhərində yerləşən İmam Rza türbəsinin daxilində onun üçün xüsusi olaraq hazırlanmış sahədə torpağa tapşırılacaq. (Qafqazinfo)
16:09 13.06.2026
Oxunuş sayı: 67
