Yanacaq problemi dərinləşir: Rusiyada satışlar kəskin azaldılır
Rusiyada yanacaq qıtlığı ilə bağlı problemlər ölkənin ən iri şəhərlərinə də yayılıb.
Crossmedia.az xarici mediaya istinadən xəbər verir ki, benzin böhranı artıq Moskva, Sankt-Peterburq və Kazanı əhatə edir. Bir sıra yanacaqdoldurma məntəqələri yanacaq satışına məhdudiyyət tətbiq etməyə başlayıb.
Belə ki, adıçəkilən şəhərlərdə bəzi məntəqələr hər bir müştəriyə satılan benzinin həcmini 20 litrlə məhdudlaşdırır. Mütəxəssislər bu addımın yanacaq ehtiyatlarının qorunması və tələbatın tənzimlənməsi məqsədi daşıdığını bildirirlər.
Yanacaq bazarında yaranmış vəziyyətin yaxın günlərdə necə inkişaf edəcəyi isə hələlik qeyri-müəyyən olaraq qalır.
15:55 13.06.2026
Oxunuş sayı: 59
