İran ABŞ ilə razılaşsa da, İsraillə düşmənçilik bitməyəcək
ABŞ ilə gözlənilən mümkün razılaşma İranla İsrail arasında uzun illərdir davam edən prinsipial qarşıdurmanı dayandırmayacaq.
Crossmedia.az xəbər verir ki, bu barədə İran parlamentinin informasiya agentliyinin (ICANA) rəhbəri Məhdi Rəhimi “Əl-Məyadin” telekanalına müsahibəsində bildirib.
Onun sözlərinə görə, Vaşinqtonla əldə edilə biləcək hər hansı anlaşma Tehranın İsrailə münasibətində dəyişiklik yaratmayacaq və iki tərəf arasındakı ziddiyyətlər davam edəcək.
Bununla yanaşı, İran parlamentinin sədri Məhəmməd Baqir Qalibaf Pakistan Ordusunun komandanı Asim Munirlə görüşü zamanı bildirib ki, İsrail Livandakı hücumlarını dayandırmasa, İran ölkənin şimal istiqamətinə raket zərbələri endirəcək.
Qalibafın sözlərinə görə, Tehran regiondakı hadisələri yaxından izləyir və Livana qarşı əməliyyatların davam etməsi halında cavab addımları atmağa hazırdır.
14:40 13.06.2026
Oxunuş sayı: 92
